Draugum eykst megin

Þegar draugar eru sendir einhverjum sem fylgja honum síðan og ætt hans, verður að varast að láta þá bergja á blóði þess sem þeir eru sendir til, eða ættmanna hans, því ef þeir ná að bergja á því eykst þeim draugsmegin svo mikið að þeir verða helmingi ólmari eftir og óviðráðanlegri. Sigurður málari segir að þetta hafi verið varazt með Keflavíkur-Móra í Skagafirði og af því hann náði einu sinni í blóð Keflavíkur-ættarinnar svo skyggn maður sá, þegar einum þeirra var tekið blóð, hamaðist hann að þeim á eftir.

Источник: Íslenzkar þjóðsögur og æfintýri (1862), Jón Árnason.

Текст с сайта is.wikisource.org