Systkinin í Eyjafirði

Önnur saga mjög lík þessari gengur í Eyjafirði um systkin tvö sem dæmd voru til dauða fyrir blóðskömm og aftekin í Möðrufellshrauni. Þau sögðust ávallt vera saklaus. Þegar þau voru komin á aftökustaðinn báðu þau til guðs að hann vildi þó að minnsta kosti sanna sakleysi þeirra eftir dauðann. Síðan voru þau tekin af og óx upp úr blóði þeirra reynitré, og af þessum viði er sagt að nægð hafi verið þar áður, en nú er engin hrísla eftir í því byggðarlagi.

Источник: Íslenzkar þjóðsögur og æfintýri (1862), Jón Árnason.

Текст с сайта is.wikisource.org

По всем вопросам пишите в раздел форума Valhalla: Эпоха викингов